Dili, 21/8/2026. Prezidente Instituto Nacional de Combate ao HIV-SIDA.IP, Daniel Marçal hateten ita nia jovem sira agora barak tama hela iha ambiente moris libre ne’ebé iha poténsia boot lori sira tama iha risku HIV.
Prezidente Instituto Nacional de Combate ao HIV-SIDA.IP, Daniel Marçal nia intervensaun iha seminariu sensibilizasaun HIV-SIDA no Moras Hadet Relasaun Seksual ba estudante Faculdade Economia e Gestão, Universidade Nacional Timor Lorosa’e deklara katak normalmente ema dehan jovem mak ai-rin ka futuru ba nasaun, tanba ne’e mak ita nia lideransa estadu sira serbisu makas hodi dezenvolve ba hadia ba joventude sira nia moris maibé iha jovem sira barak mak moris la kuidadu an hodi moris libre no namora libre
‘’HIV sai preukupasaun boot mai ita nia rain tanba ne’e ita nia estadu liuhusi lider sira prepara rai ne’e jovem sira maibé jovem sira barak moris la kuidadu husi risku HIV’’ dehan Daniel Marçal
Daniel Marçal mós hatutan katak haree ba situasaun agora iha Timor-Leste ne’e, ita nia jovem sira tama hela iha faze ida ne’ebé dezafia hela sira nia moris ne’e dalabarak labele kontrola rasik nia an hodi moris libre, namora libre no seksu libre ne’e
Ligadu ho jovem nia moris ne’ebé iha ameasa ba risku HIV nian Daniel Marçal mós esforsu makas parte Mensiterio da Educação hodi enkaxa ka hatama material HIV-SIDA iha kuríkulu ensinu hodi hanorin hahu husi ensinu báziku to’o ensinu superior ho intensaun atu fó hanoin ka hanorisn ita nia ema sira tanba dalabarak ema ida labele kontrola rasik nia an husi kestaun seksu libre tanba ne’e liuhusi edukasaun sai importante tebes iha prevensaun HIV.
Iha parte seluk, Mario da C.S Lay, Reprezentante Chefe Unidade HIV e STI’s Minesterio de Saude hateten deklara ba estudante sira katak iha nesesidade biolójiku, laiha limitisaun mai ita ema atu espresa ita nia nesesidade seksual, ita iha direitu tomak maibé ita presiza hatene prevene an husi no tetu hotu nia impaktu ba ita nia futuru
‘’ Buat ne’ebé ita presiza halo mak bainhira hakarak halo relasaun seksual ho ema ne’ebé ita la kuñese ita tenki uza condom’’ dehan Mario da C.S Lay
Realsiona ho atividade ne’e, Fanisia da Costa Soares nu’udar estudante Faculdade Economia e Gestão deklara katak kontente no orgullu tebes bele partisipa atividade sensibilizasaun ne’e tanba importante los ba estudante sira presiza hatene oinsa HIV ne’e daet no oinsa atu halo prevensaun ba prevene HIV tanba rekomenda ba jovem sira presiza halo prevensaun ba ransu sira ne’ebé laiha vantazen mai ita nia moris,tanba ita nia moris iha ita nia liman rasik, tanba hodi labele involve an iha drog, ransu libre no seksu libre
