INCSIDA, I.P.

Av:Loro Mata Dili,Timor-Leste

+670 333 1221

Apoiu ba Kliente

OTL - 08:00–16:30

online

LUTA BA PREVENSAUN HIV, RESPONSABILIDADE IHA EMA HOTU NIA LIMAN

LUTA BA PREVENSAUN HIV, RESPONSABILIDADE IHA EMA HOTU NIA LIMAN

INCSIDA.IP-13-10-2026 Naturalmente ema ida-ida mak mak sai responsavel ba nia saude rasik maibé liga ba ezisténisa HIV no nia ameasa ba ema nia vida, HIV sai ema hotu nia problema no iha ema hotu nia liman hodi buka nia solusaun

Durante realizassaun atividade sensisibilisaun informasaun HIV no moras hadet relasaun seksual ba estudante Formasaun Juventude AROMDTL, Representante Cordenador Geral Vise Primeiro Ministro e Ministro Cordenador dos Assuntos Sociais e Ministro do Desenvolvimento Rural e Habitação Comunitaria, dr. Meliana Fátima hato’o ba partisipante sira katak HIV ne’e sai ona problema saude públiku tanba ne’e ema hotu-hotu presiza hahu ho nia rasik hodi  involve iha luta hamutuk kontra hasoru transmisaun HIV.

“Ita nia saúde iha ita nia liman rasik, maibé luta kontra HIV iha ema hotu nia liman’’dehan Fátima

Médika ne’e mós kontinua apela ba estudante sira ne’ebé mak partisipa iha semináriu ne’e sensibilizasaun ne’e bele fahe tutan informsaun ne’e ba ema hotu iha liur no ba komunidade ne’ebe menus informaun kona-ba virus HIV

Iha parte seluk HIV nia ezisténsia liga ba Ema moras ho Virus HIV.ne’ebé sempre  hetan stigma no diskrimasauniha sosiedade nia leet sai kestaun ida ne’ebé sériu no asuntu importante iha ajenda polítika nasional ba prevensaun HIV. Tanba ne’e Médika ne’e hato’o mesajen ba estudante atu labele halo stigma no diskriminasaun ba ema hirak ne’ebé mak hetan ona Virus HIV ba sira tamba sira mós iha direitu moris libre no atu hetan tratamentu ne’ebé dignu ho nune’e ita tenki respeita Ema moras ho Virus HIV.

Importánsia husi sensibilizasaun prevensaun HIV mak enkoraja no fó hanoin ema hotu atu hadook an husi transmisaun virus HIV, maibé ema ida-ida mak tenki garante nia an hodi libre husi HIV. Tanba ne’e Presidente INCSIDA, IP Daniel Marçal deklara ba estudante sira katak INCSIDA.IP bele halo sensibilizasaun makas iha teritoriu laran tomak maibé ita tenke iha konsensia  rasik hodi bele prevene an husi   Virus HIV

‘’ Atividade Seminariu no kampaña sensiblizasaun HIV bele hahu husi nasion’al to’o area rurais sira maibe ema ida idak mak seidauk iha konsensia rasik mak virus HIV sei aumenta ba beibeik’’ dehan Marçal

Iha fatin hanesan Director Executivo Formasaun Juventude AROMDTL, Gaspar da Costa Pacheco haktuir katak ita tenke tau prioridade ba juventude sira no ba ita nia komunnidade sira tanba juventude mak rikusoin   nasaun Timo-Leste nian karik ita la taumatan ba juventude sira  mak ba futuru joventude  sei hetan moras barak hanesan Virus HIV ita sei sai difisil atu lao ba oin.

Atividade sensiblizasaun publica ida ne’e realiza husi INCSIDA.IP no Servisu hamutuk ho Ministério da Saúde no PNTL halo sensibiliza informasaun konaba prevensaun transmisaun HIV- SIDA no moras daet sira seluk ba Estudante Centro Formasaun Juventude AROMDTL  ho objetivu atu hasa’e koñesimentu no konsiénsia públika kona-ba importánsia prevensaun HIV iha Timor-Leste.

Share:

Facebook
Email
WhatsApp
Print
Iha Xave

Posting sira ne'ebé relasionadu

Parseris ;

© INCSIDA, I.P 2026