Dili, 19/08/2026– Instituto Nacional Combate Ao HIV-SIDA, IP(INCSIDA, IP) serbisu hamutuk ho Secretaria de Estado Formassão Profissional e Emprego hodi realiza atividade sensibilizasaun informasaun HIV-SIDA ba kandidatu traballadores Timoroan ne’ebé sei serbisu iha Australia
Atividade siviku ida ne’ebé halao Hotel Golden Beach Praia dos Coqueiros ne’e ho objetivu atu hasa’e kandidatu traballadores Timoroan ne’ebé sei serbisu iha Australia nia kuñesimentu ba kona-ba oinsa atu prevene an husi transmisaun virus HIV-SIDA
Dirétor Nacional Apoio Socail e Acolhamento Instituto Nacional Combate ao HIV-SIDA, (INCSIDA, IP) Silvestre da Costa Sarmento iha nia intervensaun, hateten ba kandidatus sira katak wainhira ita moris ona ho virus HIV mak ita la tratamentu signifika ita rasik mak fó oportunidade ba moras sira seluk hodi ataka ita nia sistema imunidade no iha impaktu ne’ebé la di’ak mai ita nia moris, família no nasaun
“Kuandu ita la halo tratamentu ba virus HIV, ita rasik mak lori impaktu boot ida ba ita nia an, ita bele lakon familia no impaktu ba saúde publika iha Timor-Leste no mos ba Mundu tomak’’ dehan Silvestre da Costa Sarmento
Iha fatin hanesan Silvestre da Costa Sarmento Silvestre da Costa Saremnto Hatete Instituto Nasional Combate Ao HIV-SIDA.IP iha ona intendimentu no kordensaun di’ak los ho Secretaria de Estado Formassão Profissional e Emprego no Agensia ne’ebe responsavel kandidatus traballadór ne’ebé sei ba servisu iha Austrália atu kontinua sensibiliza informasaun kona-ba Virus HIV ne’e ba kada turnu kandidatus traballadór serivsu Australia, atu nune’e traballadór sira ba servisu iha rai liur karik labele monu ba seksu livre hodi fila ita nia rai Timor-Leste ho kondisaun saude ne’ebé di’ak.
